“Eşref Rüya” – Seriali që po trondit ekranet dhe rrëmben zemrat!

Seriali dramatik i Kanal D, Eşref Rüya, që kombinon dashurinë e ndaluar me botën e errët të krimit, po mban shikuesit të gozhduar para ekranit. Jo vetëm që rrëfen një histori të paharrueshme dashurie mes Eşrefit dhe Rüyas, por po krijon edhe një ndikim të jashtëzakonshëm në kulturën pop dhe rrjetet sociale.

Dashuri që gdhendet në kujtesë… dhe në artin e rrugës!

Dashuria e zjarrtë mes Eşrefit (interpretuar nga Çağatay Ulusoy) dhe Rüyas ka lënë gjurmë të thella – jo vetëm në zemrat e publikut, por edhe në artin urban. Fjalët e thella të Eşrefit janë bërë frymëzim për shkrime “kamioni” dhe citate që qarkullojnë masivisht në rrjetet sociale.

Por fansat e serialit kanë shkuar edhe më tej…

Në një sallon bukurie në Antalya, portretet e personazheve kryesorë janë realizuar me mjeshtëri në flokët e klientëve, duke krijuar një trend të ri dhe tërheqës! Ndërkohë, në Mısır Çarşısı, dashuria e Eşrefit dhe Rüyas është skalitur në dru – një dëshmi artistike që rrëfen fuqinë e kësaj historie.

Moda ndjek Nisanin!

Personazhi i Nisanit, e luajtur nga Demet Özdemir, ka kthyer vëmendjen e adhuruesve të modës drejt ekranit. Çdo veshje, aksesor apo stil që ajo shfaq në serial kthehet menjëherë në trend dhe kërkohet në rrjetet sociale.

Nga fustanet elegante te bizhuteritë delikate, fansat nuk lënë detaj pa analizuar. Edhe Eşrefi, me kostumet e tij me vija dhe syzet karakteristike, ka tërhequr vëmendjen e publikut – duke u kthyer në një ikonë të re stili.

“Eşref Rüya” nuk është vetëm një serial – është një fenomen që po frymëzon modën, artin dhe zemrat e miliona shikuesve.