Një propozim që nuk gjen qetësi…

Barbaro endet mes emocioneve dhe pritshmërive, në kërkim të mënyrës më të bukur për t’i bërë Gülayşes një propozim martese të paharrueshëm. Por sfida bëhet gjithnjë e më e vështirë: Ali, me gjestet e tij madhështore – njëherë me propozimin romantik, tani me një fejesë përrallore – ngrit standardin në lartësi të paarritshme.

Një ëndërr që më në fund bëhet realitet…

Pas shumë vitesh pengesash dhe dhimbjesh, Ateş Kuşları dëshmojnë një mrekulli: Mercan dhe Ali vendosin unazat e fejesës! Por përpara tyre qëndron një mur i madh — Perihani, gruaja me fytyrë engjëlli dhe shpirt të errët. E vendosur të mos ndajë asgjë nga pasuria, ajo përgatit një plan aq të errët, saqë edhe vetë prokurorja Sare ndjehet e pafuqishme. A do të triumfojë dashuria, apo ëndrra do të shndërrohet në makth?

E vërteta që trondit zemrën…

Ali përjeton një moment të mbushur me emocione të thella kur më në fund përqafon atë që beson se është motra e tij, Emine. Por gëzimi zgjat pak — sepse Emine nuk është motra e tij! E vërteta del në shesh: motra e tij e vërtetë është Sultan!
Por kush është në të vërtetë kjo vajzë misterioze? Kush janë ata që e ndjekin dhe çfarë kërkojnë prej saj? Apo rreziku fshihet pikërisht brenda saj?

Dënimi i një nëne të verbuar nga urrejtja…

Gülayşe, Barbaros dhe Kara e godasin përfundimisht Nazmiyen dhe Ragipin – duke i lënë pa asgjë. Por kjo humbje e rëndë e shtyn Nazmiyen drejt një rrënimi të thellë mendor. E çmendur nga hakmarrja, ajo vërsulet në konak dhe sulmon me dhunë Gülayşen.
Teksa përpiqet ta shtyjë nga shkallët, ndodh tragjedia: bie gabimisht vajza e saj, Hüma!

A do të paguajë Nazmiye çmimin për gjithë dhimbjen që ka shkaktuar — me gjakun e vetë bijës së saj të pafajshme?