Çfarë na pret në episodin e radhës të “Uzak Şehir”? Drama dhe tensioni shpërthejnë
Të hënën mbrëma, seriali hit Uzak Şehir (Qyteti i Largët) vjen me një episod ku tensioni arrin pikën kulmore.
Pas akuzave të rënda të Demirit, Boran përfundon në paraburgim. Fati i tij mbetet i pasigurt, ndërsa Cihan përpiqet me çdo kusht të gjejë një zgjidhje për ta nxjerrë të lirë.
Kur negociatat dështojnë dhe shpresa shuhet, Boran përballet me një zgjedhje të rrezikshme: pranon një marrëveshje të errët për të fituar lirinë. Pyetja që ngrihet është e qartë – kush do ta paguajë çmimin e këtij pakti?
Ndërkohë, marrëdhënia mes Alya dhe Cihan forcohet gjithnjë e më shumë. Në heshtje, larg fjalëve, ndjenjat e tyre bëhen strehë në një botë që po shembet rreth tyre.
Episodi i radhës i Uzak Şehir transmetohet të hënën në mbrëmje në Kanal D, nga ora 19:00 (ora jonë).
