Është publikuar traileri i ri i serialit turk Ayni Yagmur Altinda (Nën të njëjtën shi), një nga projektet më të shumëpritura të sezonit të ri televiziv. Që në pamjet e para, seriali sinjalizon një dramë të fortë emocionale, me një histori që shtrihet mes Londrës dhe Stambollit.
Në qendër të rrëfimit ndodhet Rosa, një grua e re që përdor gjithë jetën e saj për mbrojtjen e të drejtave të njeriut. Gjatë qëndrimit në Londër, ajo merr pjesë në një protestë për Gazën – një moment që do të shënojë fillimin e ndryshimit rrënjësor të jetës së saj.
Pas kësaj ngjarjeje, Rosa udhëton drejt Stambollit, ku përballet me një sëmundje të rëndë dhe një të vërtetë personale që do ta detyrojë të rishikojë gjithçka që ka ndërtuar deri atëherë.
🔹 Dashuri që sfidon fatin
Në Stamboll, rrugët e Rosës kryqëzohen sërish me Aliun, djalin që ajo kishte njohur gjatë protestës në Londër. Mes tyre lind një ndjenjë e fortë, por dashuria e tyre vihet shpejt në provë nga sëmundja, e kaluara e dhimbshme dhe dallimet kulturore.
Seriali shtron pyetje të forta:
A mund të mbijetojë dashuria kur jeta të vendos përballë humbjes, frikës dhe sakrificës?
Traileri ka tërhequr vëmendje të veçantë edhe për paraqitjen e Hülya Avşar, e cila shfaqet në një rol të errët dhe të pazakontë, duke rritur ndjeshëm tensionin dramatik të historisë.
Producent i serialit është Baba Yapim, regjia mban firmën e Ali Balcı, ndërsa skenari është shkruar nga Hasan Burak Kayacı, Kemal Çelik dhe Hakan Kandal.
Ayni Yagmur Altinda premton një dramë të thellë për dashurinë, identitetin dhe shpresën – nën të njëjtën shi, por me fate të ndryshme.
