Ka nisur zyrtarisht xhirimi i serialit të ri digjital turk Intergalaktik Ask (Dashuri Intergalaktike), një projekt që premton të sjellë diçka krejtësisht ndryshe nga ajo që publiku është mësuar të shohë deri tani në prodhimet turke.
Seriali spikat që në fillim për tematikën e pazakontë, duke kombinuar fantastiko-shkencoren, romancën dhe dramën, në një histori dashurie që shkon përtej kufijve të Tokës.
🔹 Roli kryesor dhe sfida e madhe aktrimi
Në rolet kryesore shfaqen Erdem Kaynarca dhe Aslihan Malbora.
Erdem Kaynarca interpreton personazhin Ilter, një tregtar bizhuterish, jeta e të cilit ndryshon rrënjësisht pas një takimi të papritur me forca jashtëtokësore.
Nga ana tjetër, Aslihan Malbora përballet me një nga sfidat më të mëdha të karrierës së saj – ajo do të interpretojë tetë personazhe të ndryshme alienësh, secili me identitet, karakter dhe botë emocionale të veçantë.
🔹 Platforma digjitale ende në diskutim
Producentja e serialit është Duygu Karaca, ndërsa regjia dhe skenari mbajnë firmën e Mehmet Zakir Ekni. Aktualisht janë duke u zhvilluar negociata për transmetimin e serialit në një platformë digjitale, por emri i saj ende nuk është bërë publik.
Intergalaktik Ask synon të hapë një kapitull të ri në serialet turke digjitale, duke eksperimentuar me zhanre të reja dhe një gjuhë vizuale më moderne. Detaje të tjera rreth projektit pritet të zbulohen së shpejti.
